افغان طالبان نے سرحد پر ہونے والی فائرنگ کی وجہ پاکستانی افواج کی
جانب سے ڈیورنڈ لائن کے قریب چیک پوسٹ بنانے کی کوششوں کو قرار دیا ہے۔میڈیارپورٹس
کے مطابق ایک بیان میں امارت اسلامیہ افغانستان کے نائب ترجمان بلال کریمی نے کہا
کہ اصولی طور پر ڈیورنڈ لائن کے قریب فوجی تنصیبات یا چوکیوں کی تعمیر کی اجازت
نہیں ہے۔انہوں نے دعوی کیا کہ لیکن پاکستانی فوجیوں نے سرحد کے قریب چیک پوسٹ
بنانے کی کوشش کی اور جب امارت اسلامیہ سے تعلق رکھنے والے کچھ لوگ اس معاملے پر
بات چیت کرنے کے لیے پاکستانی حکام کے پاس گئے تو بدقسمتی سے، ان پر فائرنگ کی گئی
جس کے نتیجے میں وہاں ہلاکتیں ہوئیں۔افغان طالبان کے نائب ترجمان بلال کریمی نے
مزید کہا کہ بعد ازاں، دونوں ممالک کے درمیان فائرنگ کا تبادلہ ہوا جس میں ممکنہ
طور پر دوسری جانب بھی کچھ جانی نقصان ہوا۔ بلال کریمی نے کہا کہ فائرنگ کا معاملہ
زیر تفتیش ہے اور مستقبل میں قریبی علاقوں میں چوکیوں کی تعمیر کو روکنے کے لیے وہ
قیادت سے رابطے میں ہیں۔
No comments:
Post a Comment